Vrasja e Liridona Ademajt e mirëorganizuar, arrestohet edhe një tjetër person i përfshirë në krim

Ka shkuar në katër numri i personave të arrestuar për vrasjen e Liridona Ademajt në Kosovë.

Sipas mediave në Kosovë, policia ka ndaluar personin që ka siguruar armën e krimit. Në pranga ra Tomë Dodaj, 49-vjeçar, nga fshati Novosellë i Gjakovës.

Dyshohet se ai i ka dhënë pistoletën Naim Murselit dhe Granit Plavës, të cilët e përdorën më pas për ngjarjen e rëndë. Pas dëshmive të të arrestuarve dhe hetimeve, policia ra në gjurmët e tij dhe e ka ndaluar. Gjatë kontrollit të shtëpisë së Dodajt, Policia ka gjetur dhe sekuestruar një armë zjarri.

Pra duket se vrasja e vajzës ka qenë e mirëorganizuar. Autorët janë kujdesur dhe për sigurimin e armës së krimit, por duket se Naim Murseli është tradhtuar nga të gjithë.

Liridona Ademaj u vra më 29 nëntor teksa ishte duke udhëtuar me fëmijët e saj dhe bashkëshortin. Makinës i doli par një person dhe fillimisht u raportua si grabitje. Ai e qelloi atë duke e lënë të vdekur. Më pas u zbulua se në fakt, vrasja ishte porositur nga burri i saj Nim Murseli.

Bashkë me të u arrestuan, Granit Plava, personi që shkrepi armën dhe një i afërm i Murselit, i përfshirë dhe ai në hartimin e planit. Ende nuk dihen arsyet që e shtynë Naimin tëporosisë vrasjen e gruas së tij.