VV: Ismaili u arrestua për t’u mbrojtur ‘Zajednica’ dhe demarkacioni

Lëvizja Vetëvendosje ka reaguar pas arrestimit të deputetit të saj, Fisnik Ismaili, të cilët së pari iu ndalua hyrja në Kuvend, për t’u arrestuar më vonë për arsye ende të paqarta nga njësia special.

Në një reagim për mediat VV thekson se “ky është deputeti i tretë i opozitës që u arrestua këto kohë. Donika Kadaj – Bujupi dhe Albin Kurti po mbahen të burgosur. Ndërkohë, rreth 30 aktivistë të tjerë të opozitës janë duke u mbajtur të burgosur për shkak të aktiviteteve opozitare kundër “Zajednicës”.

Vetvendosje kërkon irimin e menjëhershëm të deputetit Fisnik Ismaili dhe të gjithë aktivistëve dhe deputetëve të tjerë.

“Projektet si “Zajednica” dhe demarkacioni me Malin e Zi, që mund të kalojnë vetëm përmes burgosjes së opozitës, janë projekte jolegjitime dhe të parealizueshme. Opozita vazhdon rezistencën kundër ndarjes etnike të vendit, faljes së territoreve dhe shtetit policor”, thuhet në reagimin për mediat.