Xhafaj flet për herë të parë si ministër dhe ka një paralajmërim për policët

Fatmir Xhafaj ka folur sot për herë të parë nga posti i ministrit të Brendshëm.

Gjatë aktivitetit të organizuar me drejtuesit e Policisë, Xhafaj tha se sot Shqipëria është një vend më i sigurt.

Ministri i ri paralajmëroi uniformat blu duke theksuar se ka ardhur koha që të gjithë punonjësit e policisë të kalojnë në Vetting.

“Ka ardhur koha për të bërë Vettingun brenda vetë Policisë së Shtetit. Tolerancë zero do të aplikohet ndaj çdo rasti të shkeljes së detyrës. Është detyra ime në radhë të parë deri te punonjësi i fundit i policisë, për të zbatuar ligjin dhe shërbyer qytetarit.

Lufta kundër korrupsionit do marrë prioritet gjatë qëndrimit tim. Ne kemi nevojë për drejtues policie me integritet të lartë moral.

Nuk mund të mendohet që edhe një punonjës i thjeshtë policie të japë ndihmë dhe bashkëpunojë me persona me precedent penal. Reagimi ndaj tyre do të jetë shumë i ashpër”, u shpreh Xhafaj.