Kampionët Spanjollë shënojnë fitore kundër Çekisë, 1-0

Spanja ka shënuar fitore në ndeshjen e parë në Euro 2016, duke mposhtur Çekinë me rezultat 1:0.

Kampioni në fuqi i Evropës, Spanja e ka nisur me fitore mbrojtjen e titullit, pasi në ndeshjen e parë e ka mposhtur Çekinë me rezultat minimal 1:0.

Spanjollët e kanë dominuar ndeshjen nga fillimi e deri në fund, por goli i fitores u shënua vetëm tre minuta para fundit nga Gerard Pique.

Me këtë fitore Spanja ndan vendin e parë me Kroacinë në Grupin D me nga 3 pikë.