‘Drejtësia”, zbardhet drafti më konsensual: Ruhet votimi me 2/3 në Parlament, s`do ketë Tribunal Gjyqësor

Drafti për Reformën në Drejtësi, për të cilin palët kanë rënë dakort që ta shqyrtojnë ditën e nesërme në komisionin për Reformën në Drejtësi, ka pësuar disa ndryshime deri edhe në rrëzime të propozimeve t vetë mazhorancës për institucione të reja.

Nga ndryshimet më të fundit, mazhoranca është tërhequr nga Tribunali Disiplinor dhe nga Gjykata e Lartë Administrative.

Në draftin përfundimtar, Këshilli i Lartë Gjyqësor dhe Këshilli i Lartë i Prokurorisë do të emërohet me 2/3-t e votave në Parlament. Në draft është lënë neni për mosdiskriminimin për shkak të orientimit seksual.

Në këtë draft, i cili mesa duket është më i pranueshmi edhe nga ana e opozitës, shumica reflekton disa kërkesa të opozitës.