Tiranë, sot zhvillohet seanca gjyqësore ndaj ish-Drejtorit të Tatimeve, Kokthi

Ish-drejtori i Tatimeve në Tiranë, Androkli Kokthi pritet të ulet për herë të parë në bankën e të akuzuarve në seancën gjyqësore që pritet të mbahet sot (e shtunë).

Kokthi u arrestua të enjten ndërsa akuzohet për veprën penale “Shpërdorim detyre”.

Pas hetimeve rezultoi se, një muaj më parë, ai i kishte kthyer mallin me një vlerë prej 4 milionë lekësh një biznesmeni, mall i cili ishte bllokuar më parë nga specialistët e Drejtorisë së Tatimeve.

Gjyqtare në seancën ndaj ish-drejtorit të Tatimeve në Tiranë është Arjana Caco, ndërsa prokurore është caktuar Elsa Miha.