Mesazhi i Junckerit: Të përveshim mëngët për Komisionin e ri Evropian

Komisioni i ri Evropian, i dalë pas zgjedhjeve, fillon sot nga puna, edhe pse një veprim i tillë është shtyrë zyrtarisht për të hënën.

”Ka ardhur koha të përveshim mëngët dhe t’i futemi punës. Evropa ka përballë vetes sfida që nuk mund të presin”, deklaroi presidenti i ri i këtij komisioni, Jean-Claude Juncker. “Falë mbështetjes demokratike të qytetarëve evropianë, Parlamentit Evropian dhe shefave të shteteve dhe qeverive, sot komisioni i ri hyn në fuqi. Duke filluar nga sot, ekipi im dhe unë do të fillojmë të punojmë fort për t’i dhënë Evropës fillimin e ri që i kemi premtuar”, theksoi Juncker. ”Së bashku me një skuadër të fortë dhe eksperte mezi po pres për t’u impenjuar për Evropës përgjatë pesë viteve të ardhshme”, shtoi ai.