Terrorizimi, May: Do ndryshojmë ligjet për të drejtat e njeriut
Kryeministrja britanike Theresa May, ka pohuar se është gati të modifikojë ligjin për të drejtat e njeriut nëse ai duhet të kthehet në një pengesë për të dëbuar terroristët e mundshëm nga vendi.
May, sipas BBC, ka thënë se kërkon ta bëjë më të thjeshtë mënyrën e largimit të terroristëve të mundshëm nga Anglia dhe se kërkon “të kufizojë” lirinë e shprehjes dhe të lëvizjes” për të gjithë ata që paraqesin një kërcënim.
Kryeministrja nuk i ka saktësuar propozimet e saj, por ka thënë: “Dua që të ketë dënime më afatgjata për të gjithë përgjegjësit e akteve terroriste. Dua t’ia lehtësoj autoriteteve dëbimin e terroristëve drejt vendeve të tyre të ardhjes. Dhe dua të bëj më shumë për të kufizuar lirinë e lëvizjes për personat e dyshuar për terrorizëm, kur kemi të dhëna të mjaftueshme për të dalë në një përfundim që paraqesin një kërcënim, edhe pse nuk kemi shumë prova për t’i dërguar para një gjykate”.
Në fund, May ka shtuar: “Nëse do të jetë e nevojshme do të ndryshojmë edhe ligjet”.
