Ministrja e Jashtme Mogherini jep dorëheqjen
Federica Mogherini, ministrja italiane e Punëve të Jashtme, dha sot dorëheqjen për shkak të largimit të saj në Brukse ku do të marrë postin e shefes së diplomacisë evropiane dhe zëvendëspresidentes së Komisionit.
Një komunikatë e shkurtër nga Ministria italiane e Punëve të Jashtme njoftoi dorëheqjen e saj si ministre pas dorëheqjes nga posti i deputetes.
Kryeministri, Matteo Renzi nuk ka emëruar zëvendësues për postin e Mogherinit, 41 vjeçe pavarësisht një takimi dje me presidentin e Republikës, Giorgio Napolitano, shenjë e vështirësive për të gjetur personin e duhur.
Sipas shtypit, Renzi dëshiron të emërojë një grua për të ruajtur barazinë e gjinive në qeverinë e tij, por emrat që ai kishte nuk e kanë kënaqur presidentin që ka pushtetin për të emëruar ministrat me propozim të kryeministrit.
