Ndryshon “rrufeshëm” pamja në sheshin “Nënë Tereza”
Nis restaurimi. Rama: Ky xhevahir i historisë do të fitojë shkëlqimin e vet-
Punimet në sheshin “Nënë Tereza” kanë vazhduar intensivisht duke pastruar në mënyrë të menjëhershme të gjitha mbeturinat e operacionit të ndërmarrë prej ditësh. Operacion që bëhet në lidhje me përgatitjen e vizitës së Papa Francceskut më 21 shtator në Tiranë.
Ky operacion është ndjekur thuajse “live” Nga ana e Kryeministrit shqiptar, Edi rama. Në dy postime të njëpasnjëshme në rrjetet sociale, Rama ka shfaqur transformimit brenda disa orëve të sheshit.
“Tani nis menjehere restaurimi i pabërë prej 70 vjetësh dhe ky xhevahir i trashegimisë do të rifitojë shkelqimin e vet”, thekson kreu i qeverisë shqiptare.
Punimet për restaurimin e godinave qendrore në sheshin Nënë Tereza, i trotuarëve, si dhe rikthimi i ndriçmit dhe gjelbërimit po vijojnë me ritme të shpejta.
Përzgjedhja e Shqipërisë dhe pikërisht e sheshit në fjalë si vendi nga ku shenjtëria e tij Papa Françesku do të mbajë meshën e shenjtë ka vënë në lëvizje një pjesë të madhe të institucioneve për t’i rikthyer këtij sheshi shkëlqimin e dikurshëm.
Më 21 shtator në orën 11, i gjithë sheshi do të jetë i mbushur me besimtarë por edhe me mijëra gazetarë e pelegrinë të cilët do të dëgjojnë nga afër meshën e shenjtë të Papa Françeskut.
