CDC amerikane e klasifikon Shqipërinë në vendet me rrezik të ulët infektimi nga COVID-19
Lajm i mirë për amerikanët që dëshirojnë të udhëtojnë për argëtim ose biznes –
Qendra për Kontrollin dhe Parandalimin e Sëmundjeve në SHBA (CDC) e ka klasifikuar Shqipërinë në vendet me nivel të ulët rreziku të infektimit nga COVID-19.
Lajmi u bë i ditur nga ambasadorja e SHBA-së në Tiranë, Yuri Kim, e cila e cilëson këtë një lajm të mirë për për të gjithë amerikanët që duan të vijnë në Shqipëri për argëtim ose biznes.
“Që prej datës 7 qershor, Qendra Amerikane për Kontrollin dhe Parandalimin e Sëmundjeve (CDC), e ka klasifikuar Shqipërinë në “Nivelin 1: ose niveli i ulët i COVID-19”. Ky është lajm i mirë për amerikanët, të cilët dëshirojnë të udhëtojnë për në Shqipëri, për argëtim ose biznes”, shprehet Kim, duke bashkëngjitur rekomandimet e CDC-së.
