Zgjedhjet në Mal të Zi/ KSHZ publikon rezultatin: “Evropa tani” me 24 mandate, koalicioni ”Zajedno” me 21
Koalicioni “Për të Ardhmen” e Malit të Zi (NSD dhe DNP) ka mundur të grumbullojë 15,1 për qind të votave ose 14 mandate, koalicioni “Hrabro se Broji” i Demokratëve dhe Lëvizja Qytetare URA e Abazoviçit fitoi 13 për qind ose 12 mandate dhe Partia Boshnjake me 6.8% të votave ose 6 mandate.
Partia Socialdemokrate, e cila grumbulloi 2.9% të mbështetjes qytetare, mbeti pa status parlamentar pasi i mungonin rreth 300 deri në 350 vota për mandatin.
Poshtë kuotës së nevojshme për regjistrimin e mandatit janë edhe Pravda za sve – “Drejtësi për të gjithë!” e Vladimir Leposaviçit me 2,7 për qind, Preokret – Përmbysja me 1,6 për qind, lista e koalicionit të Partisë Popullore Socialiste dhe Demos 2.8% të votave, Lëvizja për Ndryshime me 0,7 për qind dhe lista “Da, mi možemo”- “Po ne mundemi” me 0,5 për qind.
