Zgjedhjet e 21 Qershorit, policia kalon në “shërbim të përforcuar”

Policia e Shtetit ka kaluar në “shërbim të përforcuar”, duke filluar që prej orës 07.00 të kësaj të mërkure.

Të gjitha shërbimet policore, duke nisur që sot, do të kryjnë shërbim 12 orësh. Ndërkaq, Policia e Shtetit ka marë të gjitha masat për të garantuar rendin dhe sigurinë publike.

“Këtu përfshihet parandalimi i aksidenteve rrugore, si dhe parandalimi dhe goditja e veprimtarisë kriminale. Vëmendje e posaçme u është kushtuar masave policore edhe për sezonin e ri turistik”, tha Gentian Mullai, zëdhënës i Policisë së Shtetit.