Kërkohet “arrest me burg” për Gjutën

Prokuroria ka kërkuar masën e sigurisë “arrest me burg” për Vladimir Gjutën, për akuzën e dhunës në familje.

Vladimir Gjuta, njeriu që u akuzua si organizator i sulmit me tritol në farmacinë e babait të ministrit Tahiri, por që më pas u lirua për mungesë provash, këtë herë u arrestua pasi ka ushtruar dhunë fizike ndaj të atit të tij.

Duke shkuar në banesën e këtij të fundit, Vladimir Gjuta ka shkelur edhe masën e sigurisë “arrest shtëpie”, dhënë nga Gjykata e Kukësit për armëmbajtje pa leje.

Ndërkohë, svokati mbrojtës kërkoi mjekim të detyrueshëm për Gjutën për shkak të çrregullimeve të tij mendore.