Qindra besimtarë në pelegrinazhin në Malin e Tomorrit

Qindra besimtarë marrin pjesë në pelegrinazhin në Malin e Tomorrit, ku dhe sot u zhvillua ceremonia e festës së Abaz Aliut.

Kryegjyshi i Kryegjyshatës Botërore, Baba Mondi uroi të gjithë besimtarët për më shumë begati në jetët e tyre. Kryegjyshata shprehu dhe mirënjohjen ndaj kryetarit të bashkisë së Çorovodës, Nesim Spahiu për infrastrukturën e zonës.

Z. Spahiu tha se duhet bërë më shumë për këtë vend të shenjtë, duke u shprehur se zëri i bashkisë dhe kryegjyshatës të jetë i fuqishëm pranë qeverisë, për të mundësuar asfaltimin e dy akseve që të çojnë në pelegrinazhin e Malit të Tomorrit.

Pelegrinazhi zhvillohet pesë ditë nga data 20 deri më 25 gusht. Kurbani është rriti kryesor i kësaj feste. Pas faljes në varrin e Abaz Aliut i vendosur në majën e Çukës, besimtarët ndezin qirinj dhe bëjnë kurban një kafshë.