54 ushtarë nigerianë dënohen me vdekje

Një gjykatë ushtarake në Nigeri dënoi me vdekje 54 ushtarë pasi refuzuan të luftonin militantët e Boko Haramit. Ushtarët u akuzuan se nuk ndihmuan në çlirimin e tre qyteteve që ishin pushtuar nga Boko Harami në muajin gusht.

Që nga viti 2009 Boko Harami po shkakton trazira në shtetin afrikan dhe vetëm gjatë këtij viti nga sulmet e tyre kanë vdekur rreth 2000 persona, ndërsa mijëra të tjerë janë larguar nga banesat e tyre.

Militantët e këtij grupi po kërkojnë të krijojnë një shtet islamik në veri-lindje të Nigerisë.