Qeveria shqiptare në bashkëpunim me GIZ po ndihmon bizneset dhe fermerët, përmes programit CoSolve, që ofron këshillim të kombinuar me grante, për të rimëkëmbur sipërmarrjet e tyre në sektorë të ndryshëm të ekonomisë ku operojnë.
GIZ Albania njoftoi se dy javët e fundit kanë qenë veçanërisht të rëndësishme për përfituesit e thirrjes së parë të CoSolve-s.
Përfitues nga sektori i turizmit dhe sektorë të tjerë, nënshkruan kontratat e granteve si dhe u trajnuan mbi rregullat financiare të implementimit të tyre, nëpërmjet ekspertëve të programit.
Deri më tani, rreth 80 përfitues kanë nënshkruar kontrata për grante me GIZ Albania, ndërsa programi parashikon të mbështesë 900 ndërmarrje të vogla dhe të mesme deri në fund të vitit 2022.
Kjo nismë, e ndërmarrë nga qeveria fokusohet në zbutjen e efekteve të shkaktuara nga kriza e COVID-19 dhe vështirësitë e krisës ekonomike të shkaktuara nga lufta në Ukrahinë dhe rimëkëmbjen e bizneseve, e po ashtu në përshtatjen e tyre me “normalitetin e ri” të zhvillimit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.