9 gjëra që duhet të keni këtë verë
Me ardhjen e verës garderoba ndryshon, që do të thotë fustane të lehta, ngjyra e veshje të freskta. Më në fund xhaketat, trikot dhe copat e rënda do të zëvendësohen me t-shirt, sandale e xhinse të shkurtra. Ja 9 gjërat që duhet të keni patjetër këtë verë.
- Xhinse të shkurtra
Xhinset janë praktike e lehtësisht të kombinueshme, nuk dalin asnjëherë nga moda dhe falë modeleve të shumëllojshme veshja juaj do të ngjajë gjithnjë e re. Këtë verë ato vijnë pak më të gjata e më të gjera, për një komoditet ultra cool.
- Fustanet njëngjyrëshe
Ato janë të lehta e komode. Mund të vishen poshtë një xhekete xhins apo dhe sipër një T-shirt. Në ditët e nxehta, kombinimi i tij me një palë sandale të shehta do të ishte si një gotë uji e freskët.
- Slipper
Slipper-sat kanë pushtuar pranverën dhe verën. Janë praktike, të kombinueshme dhe mund t’ju mbulojnë defektet e vogla të gishtave tuaj apo dhe manikyrin jo perfekt.
- Bluza me mëngë të ekzagjeruara
Sa më të ekzagjeruara mëngët aq më në modë janë. Një kombinim i stilit bohem dhe atij viktorian. Këtë verë bluzet duhet të jenë kështu.
- Çanta grafike
Nëse gjithmonë keni ëndërruar për çanta me forma nga më të çuditshme tani është koha t’i përdorni ato.
- Sandale me lidhëse
Sandalet stil balerina janë trendi i kësaj vere. Lehtësisht të kombinueshme me fustane apo pantallona, qofshin ato të shkurtra apo të gjata.
- Supet jashtë
2016 është viti i supeve jashtë. Mos kini turp t’i ekspozoni! Bluzet që vënë në pah ato janë tejet femërore dhe sensuale.
- Stampat
Në xhinse apo xhaketat e lëkurës stampat duhet të jenë të pranishme këtë verë. Një rikthim në kohë që ngjan po aq origjinal sa atëherë. Tani do t’ju duhet vetëm një bluze e bardhë.
- Sandale gladiator
Sandalet gladiator do të sjellin tërë vëmendjen tek ju, si një Helene moderne.
