Aksident i rëndë rrugor, 17 nxënës të plagosur

17 nxënës kanë mbetur të lënduar nga një aksident i rëndë që ka ndodhur të hënën në mëngjes në Kosovë, në komunën e Drenasit. Në këtë aksident ishin të përfshirë një autobus që po bënte transportimin e nxënësve dhe një kamion.

Nxënësit e plagosur menjëherë janë transportuar drejt Prishtinës, në Qendrën Klinike Universitare dhe sipas informacioneve zyrtare të Policisë së Kosovës, ata janë jashtë rrezikut për jetën.

“Policia ka dërguar ekipet që po merren me hetimin e rastit”, ka thënë për Top Channel Flora Ahmeti, zëdhënëse e Policisë për rajonin e Prishtinës.