Aksidenti tragjik në Shkodër, humb jetën babai me dy fëmijët e tij
Tre anëtarë të së njëjtes familje dhe katër të plagosur është bilanci i aksidentit tragjik të ndodhur në orët e mbrëmjes së të dielës në rrugën Shkodër-Velipojë.
Policia njofton se rreth orës 18:00, në afërsi të zonës së plazhit të Velipojës dy automjete, një tip Alfa Romeo, ku udhëtonte 40-vjeçari Edmond Preka me familjen e tij, gruan dhe 3 fëmijët, është përplasur me një makinë fuoristradë.
Për pasojë, kanë ndërruar jetë drejtuesi i mjetit Edmond Preka dhe dy fëmijët tij, djali 9 muajsh dhe vajza e tij 10-vjeçare, si dhe është plagosur rëndë bashkëshortja dhe vajza tjetër e çiftit.
Ndërkohë, në mjetin fouristradë udhëtonin dy persona ku edhe ata jane plagosur. Policia raporton se edhe ata të dy kanë mbetur të plagosur në gjendje të rëndë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.