Aksion policor në Kumanovë për zmbrapsjen e një grupi të armatosur

Ministria maqedonase e Punëve të Brendshme po merr masa për zmbrapsjen e një grupi të armatosur në një lagje të Kumanovës, deklaroi sot zëdhënësi i MPB-së, Ivo Kotevski.
Aksioni po zhvillohet pas njoftimeve të marra paraprakisht se në një zonë të të qytetit ka grup të armatosur.

Autoritetet maqedonase apelojnë qytetarët që të jenë të qetë.

Nga ndihma e shpejtë informojnë se kanë dy ekipe në terren në atë pjesë të qytetit, por pa informacione të hollësishme për plagosje eventuale.

Të shtëna armësh dhe zhurma helikopterësh kanë shqetësuar kumanovarët që nga ora 04:00.