Aksioni në Dukagjin, vetëdorëzohet një nga 10 personat që qëlluan helikopterin e policisë
![](https://24-ore.com/wp-content/uploads/2014/08/helikopter2.jpg)
Është vetëdorëzuar në polici një nga 10 personat e dyshuar se qëlluan mbi efektivët e përfshirë operacionin antikanabis në zonën e Dukagjinit. Pal Dushi, 19 vjeç i cili figuronte në listën me 10 persona të publikuar nga Ministria e Brendshme është vënë në pranga mbrëmjen e djeshme. Sipas policisë, ai është një ndër personat e dyshuar se kundërshtuan me armë shërbimet e policisë që po asgjësonin sipërfaqet e tokës të mbjellë më kanabis në veri të vendit dhe po ashtu nga hetimet e deritanishme ai dyshohet se ka qëlluar me armë edhe ndaj helikopterit të policisë duke rrezikuar jetën e personave që ndodheshin në të.
Po dje policia ka vënë në pranga kryeplakun e fshatit Plan, 52 vjeçarin Gjon Bungu i cili akuzohet se nuk ka zbatuar ligjin duke mos njoftuar policinë për kultivimin e bimëve narkotike në fshatin e tij.