Alfano: Mbështesim procesin e reformave të Shqipërisë

Ministri i Jashtëm i Italisë, Angelino Alfano, në një konferencë të përbashkët për shtyp me homologun Ditmir Bushati, theksoi se Italia e mbështet procesin e reformave të vendit tonë.

Kur u pyet për bojkotin e opozitës, Alfano tha: “Ne mbështesim procesin e reformave të Shqipërisë, që përkon me prioritetet kyçe. Nuk mund të futem në dinamikën politike të një vendi të lirë dhe sovran”.

Ndërsa ministri Bushati tha se “reforma në drejtësi është elementi thelbësor për ringritjen e besimit te qytetarët”.