Kryetari i grupit parlamentar të Partisë Demokratike, Enkelejd Alibeaj reagoi pas vendimit te pasdites se djeshme, të Gjykatës së Apelit për logon dhe vulën e PD-së.
“Vendimi i sotëm i Gjykatës së Apelit vjen si një ogur i mirë për demokratët, që prej më shumë se 1 viti po kalojnë një periudhë të vështirë. Kjo është dita kur të gjithë ne, demokratët duhet të jemi më të bashkuar se kurrë për t’u përballur me regjimin e Edi Ramës dhe të lëmë mënjanë grindjet dhe mosmarrëveshjet mes nesh të shkaktuara nga mentaliteti i vjetëruar i politikës shqiptare”, deklaroi ai në rrjetet sociale.
Alibeaj ftoi demokratët që të lenë mënjanë pakënaqësitë dhe të jenë bashkë në përballjen e 14 majit.
“Me kandidatët më të mirë që nuk vendosin interesin personal të askujt mbi interesin e demokratëve. Nuk është ditë triumfi për askënd. Është ditë reflektimi i thellë, për ato që kemi kaluar dhe për të përballuar të ardhmen, që nuk është e thjeshtë, por as e pamundur”, përfundoi Alibeaj.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.