Amal Clooney, mahnitëse dhe shtatzënë

Nuk ndodh shpesh që George Clooney të mos bjerë në sy, por ylli i Hollivudit këtë radhë është eklipsuar nga bashkëshortja e tij Amal në Paris.

Çifti, që po pret binjakë, nuk qëndruan jashtë vëmendjes në ceremoninë e edicionit të 42-të të çmimeve Cesar në kryeqytetin francez. Avokatja e të drejtave të njeriut, 39-vjeçarja Amal ishte mahnitëse teksa dukej dhe barku i shtatzënisë, teksa kaloi në tapetin e kuq.

Pak më herët Clooney kishte deklaruar se do të kufizonin udhëtimet e tyre në kohën që bashkëshortja e tij është shtatzënë.

“Kemi vendosur të jemi më të përgjegjshëm, për të shmangur rrezikun. Nuk do të shkoj më në Sudanin Jugor, apo në Kongo, dhe Amal nuk do të shkojë në Irak, për të shmangur vendet ku ajo e di që nuk është e mirëpritur”, ka thënë Clooney.