Analistët: në Kosovë, situatë e papranueshme institucionale

Në Kosovë, njohës të çështjeve politike thonë se vendi ndodhet në një situatë të papranueshme institucionale dhe politike dhe se kjo gjendje nuk mund të tejkalohet pa një dialog ndërmjet qeverisë dhe opozitës. Për më shumë se një muaj, partitë opozitare nuk kanë lejuar mbajtjen e seancave të parlamentit ku është hedhur gaz lotsjellës dhe ka patur skena dhune, në shenjë kundërshtimi ndaj marrëveshjeve të arritura në bisedimet me Serbinë si dhe marrëveshjes për shënimin e kufirit me Malin e Zi.