“Arrest me burg” për babain vrasës

Gjykata e Krimeve të Rënda dha masën e sigurisë “arrest me burg” për Kujtim Ibrajn, i cili vrau disa ditë më parë me thikë vajzën e tij 17-vjeçare dhe plagosi vajzën tjetër 22-vjeçare.
Ngjarja e rëndë ka ndodhur mbrëmjen e së dielës në kryeqytet, kur 56-vjeçari qëlloi me thikë dy nga 6 fëmijët e tij. Si pasojë e plagëve të marra, ka ndërruar jetë në spitalin “Nënë Tereza” 17-vjeçarja Elidona Ibraj. Blutë e kryeqytetit, pasi mbërritën në vendngjarje, konstatuan se Kujtim Ibraj ishte në gjendje të dehur.
56-vjeçari ishte i divorcuar me bashkëshorten e tij, me të cilën kishin 6 fëmijë.