Trump propozon buxhet rekord për mbrojtjen, më i larti në histori: 1.5 trilion dollare

Presidenti i SHBA-së, Donald Trump propozoi sot një shumë rekord prej 1.5 trilion dollarësh në burime mbrojtëse për vitin fiskal 2027, duke shënuar kërkesën më të lartë për buxhetin e mbrojtjes në historinë e SHBA-së ndërsa bëri thirrje për shkurtime të ndjeshme të shpenzimeve të brendshme.

Sipas fletëve informuese të buxhetit të publikuara nga Shtëpia e Bardhë përpara propozimit vjetor të buxhetit, plani përfshin 1.15 trilion dollarë në shpenzime diskrecionare të mbrojtjes dhe 350 miliardë dollarë shtesë në burime të detyrueshme, duke e çuar buxhetin total të mbrojtjes në 1.5 trilion dollarë.

Në të njëjtën kohë, administrata po kërkon ulje prej 10 për qind të shpenzimeve diskrecionare jo-mbrojtëse, të barabarta me rreth 73 miliardë dollarë. Trumpi rinovon përpjekjen e tij për të zvogëluar programet e brendshme ndërsa zgjeron shpenzimet ushtarake.

Rritja e propozuar vjen ndërsa administrata përballet me presion politik në rritje për shkak të luftës së vazhdueshme me Iranin.

Edhe pse Kongresi nuk pritet të miratojë plotësisht shumë nga shkurtimet e propozuara të brendshme, buxheti ka të ngjarë të formësojë debatin e ardhshëm fiskal në Capitol Hill dhe të shërbejë si një sinjal kyç i prioriteteve të shpenzimeve të administratës përpara zgjedhjeve të mes mandatit të nëntorit.   /os/