Arrestohet dëmtuesi i pyjeve në Parkun Kombëtar Shebenikë-Jabllanicë

Afrimi i stinës së dimrit ka bërë që të shtohen prerësit e pa ligjshëm në pyjet tona pa kursyer edhe parqet Kombëtare apo zonat e mbrojtura.

Ditën e djeshme në Parkun Kombëtarë Shebenikë-Jabllanicë, sipas raportimeve të bëra nga administrata e këtij parku është ndaluar një mjet i ngarkuar me dru  zjarri në vendin e quajtur “Përroi i Govatave” në pyjet e Stëblevës nga punonjësit parkut në bashkëpunim dhe me Policinë e Shtetit.

Drejtuesi i mjetit u shoqërua për në Komisariatin e policisë të Librazhdit ndërsa mjeti me lëndën drusore u sekuestrua.