Avokati: Abdeslam i gatshëm për të bashkëpunuar me autoritetet franceze

Salah Abdeslam, i vetmi i mbijetuar i forcave komando që kryen sulmet terroriste më 13 nëntor në Paris, i arrestuar më 18 mars në Bruksel, është shprehur i gatshëm për t’u ekstraduar në Francë dhe për të bashkëpunuar me autoritetet franceze, deklaroi sot një nga avokatët e tij.

“Abdeslam nuk është nxjerrë nga burgu i Bruges (veriperëndim) mëngjesin e sotëm për seancën dëgjimore në Gjykatën e Apelit në Bruksel për rishikim të urdhër arrestit evropian lëshuar kundër tij nga ana e Francës”, tha avokati Cedric Moisse.

”Seanca dëgjimore u shty për t’u zhvilluar pasditen e sotme ora 16:00 (14:00 GMT) për t’i lënë kohen e nevojshme prokurorit për ta marrë në pyetje në burg”, saktësoi ai për median.