Balla: Pse Berisha sulmon ish-kryeministrin rumun Viktor Ponta
Kryetari i Grupit Parlamentarë të Partisë Socialiste, Taulant Balla në seancën e djeshme parlamentare ka replikuar me deputetin e PD-së, Sali Berisha në lidhje me akuzat e tij ndaj ish-kryeministrit të Rumanisë, Viktor Ponta.
“Sali nuk të kam kthyer kurrë përgjigje për ish-kryeministrin rumun, Viktor Ponta, të cilin fati e ka bërë të jetë miku im i shkollës, fati e ka bërë që të ishte kryeministër i Rumanisë për një kohë të gjatë. Ishte i vetmi kryeministër i Rumanisë që vendosi të njihte Kosovën. Ka ardhur dhe në Tiranë, ka bërë të njëjtën gjë dhe në Bukuresht, ka bërë të njëjtën gjë me Presidentin e Kosovës, Hashim Thaçi, e ka bërë me të gjitha autoritetet kosovare”, theksoi Balla.
Gjithashtu, Balla i bëri thirrje Berishës të heqë dorë nga sulmet e ulta personale, përkundrejt të gjithë atyre që bëjnë një gjë të mirë për Shqipërinë dhe Kosovën.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.