“Energjia ka qenë sektori më sfidues për qeverinë shqiptare, ashtu siç ka qenë për të gjitha qeveritë evropiane gjatë vitit 2022, edhe për shkak të agresionit të Rusisë ndaj Ukrainës. Por kujtojmë që një krizë energjetike ka nisur që në shtatorin e vitit 2021”, tha Balluku në takim.
“E rëndësishme është që ne si qeveri shqiptare, sipas të gjitha hapave që janë ndjekur, masave që janë marrë, kemi arritur që të mitigojmë problematikën dhe mbi të gjitha kemi arritur që të mbrojmë qytetarët tanë në 100% nga ekspozimi i çmimeve të larta të importit”, theksoi Balluku.
Ajo tha se, “fatkeqësisht, jemi shoqëruar dhe me një vit thatësire të ndjeshme që ka arritur të ndryshojë si situatë vetëm në fund të muajit nëntor, kështu që i gjithë konglomerati i problematikave na ka vënë në vështirësi të jashtëzakonshme, por që janë kapërcyer me sukses”.
Balluku ndër të tjera vlerësoi bashkëpunimin me përfaqësuesit e bizneseve.
“Ne jemi munduar që t’ju japim mbështetjen e duhur në një vit të vështirë, në një vit krize, por nga ana tjetër çfarë është më e rëndësishme kemi pasur edhe bashkëpunimin tuaj, edhe mirëkuptimin”, tha Balluku.
Qytetaret nuk mbrohen vetem nga nje pakete e vogel ekonomike por edhe nga paketa dytesore sociale qe ndikojne ne ulje e nivelit te varferise ne popullate.
Mire do ishte te mbroheshin me teper shtresa ne nevoje sinoer shembull e invalideve te luftes dhe atyre te minierave.