Basha uron studentët: Jam pranë atyre që ranë viktima të brutalitetit dhe populizmit në arsim

Kreu i opozites, Lulzim Basha, duke uruar studentet ne mbare vendin per nisjen e vitit te ri akademik ka shprehur mbeshtetjen per gjithe ata qe qeveria i privoi nga kjo e drejte.

“Shpirti i një kombi është universiteti, bota intelektuale dhe akademike e tij. I uroj me respekt një vit të mbare të gjithë studentëve dhe pedagogëve në fillimin e vitit të ri universitar. Jam pranë të gjithë atyre studentëve dhe qyteteve që u privuan nga e drejta për arsim. Jam pranë të gjithë studentëve dhe familjareve që ranë viktima të brutalitetit dhe populizmit në arsim”-shkruan Basha ne nje postim ne rrjetin social Facebook.

Kreu i PD-se, ka shprehur sigurine se bota akademike do ia dalë përsëri.

“Vendi ka një pritshmëri të madhe ndaj saj. Kam bindjen e thellë se në auditoret e shkollës shqiptare po formësohet sot profili i Shqipërisë moderne, profili i një shoqërie të lire dhe konkuruese në nivel europian dhe global. Suksese”- shkruan Basha.