BE i jep një javë kohë Rusisë për të ndryshuar qëndrimin ndaj Ukrainës

 Bashkimi Evropian i dha sot një javë kohë Rusisë për të ndryshuar qëndrimin në Ukrainë, nën kërcënimin e sanksioneve të reja.

“Këshilli Evropian është i gatshëm të marrë më shumë masa në kuadër të përshkallëzimit të situatës në Ukrainë”, deklaroi presidenti i Këshillit, Herman Van Rompuy, në përfundim të samitit evropian të jashtëzakonshëm.
Komisioni Evropian u ngarkua për të përgatitur në mënyrë urgjente një sërë sanksionesh të reja. Këto të fundit duhet të paraqitet brenda javës dhe një vendim do të merret në funksion të zhvillimit të situatës”, theksoi ai.
“Të gjithë janë koshientë që duhet vepruar sa më shpejt”, nënvizoi Van Rompuy.
“Ekziston një vendosmëri e madhe për të ushtruar të gjithë presionin e mundshëm ndaj Rusisë me qëllim që të rikthehet në tryezën e negociatave dhe të arrihet një zgjidhje politike”, shtoi Van Rompuy.
Kancelarja gjermane, Angela Merkel theksoi se këto sanksione do të prekin veçanërisht sektorin e financës dhe energjisë.
”Këto sanksione do të kenë një ndikim të dukshëm në ekonominë ruse”, nënvizoi Van Rompuy