BRUKSEL – Von der Leyen: Irani duhet të ndalë menjëherë kërcënimet

Jam thellësisht e shqetësuar për konfliktin. Irani duhet të ndërpresë menjëherë kërcënimet, vendosjen e minave, sulmet me dronë dhe raketa, si dhe përpjekjet e tjera për të bllokuar Ngushticën e Hormuzit nga trafiku tregtar, deklaroi presidentja e Komisionit Evropian Ursula von der Leyen në një konferencë për shtyp.

“Sulmet e fundit të Iranit ndaj anijeve tregtare të paarmatosura në Gjirin Persik, sulmet ndaj infrastrukturës civile, duke përfshirë instalimet e naftës dhe gazit, dhe mbyllja ‘’de facto’’ e Ngushticës së Hormuzit nga forcat iraniane janë të papranueshme dhe duhet të dënohen”, shtoi ajo.

“Gjithashtu dua të nënvizoj se liria e lundrimit është një parim themelor i së drejtës ndërkombëtare”, përfundoi ajo.   /os/