Borisov: Bullgaria kërkon zhbllokimin e gazsjellësit “Nabuko”
Bullgaria angazhohet për zhbllokimin e projektit për ndërtimin e gazsjellësit “Nabuko”, më saktësisht në pjesën që kalon nëpër territorin e saj, deklaroi sot kryeministri i Bullgarisë, Bojko Borisov pas takimit me presidentin e Azerbajxhanit, Ilham Aliev, në vizitë zyrtare në Sofje.
”Bullgaria së bashku me Azerbajxhanin paraqitën para Komisionit Evropian propozimin për ripërtëritjen e projektit ‘Nabuko”, deklaroi Borisov.
Ai theksoi se në dallim nga disa vende të tjera të Unionit, Bullgaria, si anëtare jashtëzakonisht luajale e BE-së, i ka plotësuar të gjitha dispozitat ligjore nga pakoja e tretë energjetike duke hequr dorë nga projekti “South Stream”.
“Në këtë rast kemi projektin ‘Nabuko’ i cili është proNATO-s dhe proevropian dhe tek i cili me vite investojmë para”, deklaroi Borisov.
Aliev deklaroi se Azerbajxhani ka mjaft rezerva gazi, me të cilat mund të sigurojë mjaft gaz për një korridor jugor të gazit, “Nabuko” dhe TAP-in.
Gazsjellësi “Nabuko” është menduar si projekt që duhet të dërgojë gaz nga Azerbajxhani, përmes Turqisë, Bullgarisë, Rumanisë dhe Hungarisë në Austri.
