Bulqizë, shembet masivi shkëmbor, humb jetën minatori, plagoset një tjetër

Një tjetër aksident i rëndë me pasojë vdekjen e një minatori dhe plagosjen e një tjetri është shënuar mëngjesin e sotëm në galeritë e minierës së Bulqizës.

Viktimë e këtij aksidenti të rëndë ka mbetur Leonard Shabani, 30 vjeç, ndërkohë që është plagosur rëndë Ramiz Cupi, 28 vjeç.

Aksidenti i rëndë mësohet se ka ndodhur në një galeri private në zonën 41 të minierës së Bulqizës, ndërsa shkak i tij mendohet të jetë shembja e një masivi shkëmbor.