“Call Center-at”, Ekonomi: 95 % e bizneseve nuk preken

Ligji i miratuar nga Senati italian, që ashpërson kushtet për ndërmarrjet italiane që delokalizojnë këto shërbime në vendet jashtë BE, prek vetëm një pjesë të vogël të bizneseve “Call Center” në Shqipëri.

Ministrja e Zhvillimit Ekonomik, Milva Ekonomi, ka sqaruar se nuk rrezikohen kompanitë që operojnë në vendin tonë pasi kryejnë shërbime outbaund.

Miratimi i këtij ligji krijoi panik në radhët e të punësuarve në këtë sektor, pasi numërohen rreth 25 mijë individë.

Pritet që efektet reale të evidentohen nga vetë këto sipërmarrje me hyrjen në fuqi të ligjit në fjalë.