Cerrik: Arrestohet ish drejtori dhe nëndrejtori i shkollës së mesme, lëshonin dëftesa fallso

 Dy persona me funksion ish drejtor dhe Nëndrejtori i Shkollës së Mesme “ Mihal Shahini” në qytetin e Cerrikut, janë arrestuar pasi akuzohen për veprat penale “ shpërdorim detyre” dhe “ fallsifikim të dokumentave shkollore”.

Burime të Policisë bëjnë të ditur se “ sektori kundër krimit ekonomik mëngjesin e sotëm finalizoi operacionin e koduar “ Amza” duke bërë të mundur arrestimin në flagrancë të 38 vjeçarit Albion Vogli ish drejtor i shkollës së mesme si edhe Koço Komino 48 vjeç me detyrë Nëndrejt rip o kësaj shkolle.

Bëhet e ditur se në bashkëpunim me njëri tjetrin gjatë pesë viteve të fundit ata kanë lëshuar dëftesa të shkollës së mesme të fallsifikuara kundrejt edhe pagesës. Mësohet se personat me iniciale E.B, M.R, si edhe S.B të tre banorë në qytetin e Cerrikut po proçedohen penalisht në gjendje të lirë pasi janë pajisur me këto dëftesa fallso.

Krimi Ekonomik  po heton për të gjetur edhe persona të tjerë të cilët mund të jenë pajisur me dëftesa fallso nga dy zyrtarët. Materialet në ngarkim të tyre i kanë kaluar prokurorisë së Rrethit Gjyqësor Elbasan për hetime të mëtejshme.