Daçiq: Rusia nuk është përcaktim strategjik i Serbisë

Ministri serb i Punëve të Jashtme, Ivaca Daçiq ka deklaruar sot në Washington se sekretarit amerikan të shteti John Kerry i ka thënë se Serbia synon Bashkimin Evropian dhe se “marrëdhëniet tradicionale miqësore me Rusinë “absolutisht nuk kanë lidhje me përcaktimin strategjik të Serbisë”, transmeton kumtesën e MPJ të Serbisë “Politika” e Beogradit.

“Ia kam thënë faktin se po shkojmë në BE, por edhe se marrëdhëniet tona tradicionale miqësore me Rusinë absolutisht nuk kanë lidhje me përcaktimin strategjik të vendit tonë, ndaj duam të jemi anëtar i BE-së dhe se ky përcaktim me asgjë nuk është vënë në pikëpyetje dhe as që ka ndonjë presion nga Rusia lidhur m këtë”, ka thënë Daçiq.