Dade, Pandeli Majkos: Respektimi i rregullave të brendshme e bëri Kryeministër
Deklarata Pandeli Majkos se mbështeste Edi Ramës, ndonëse se i dha të drejtë Ben Blushit për shkeljet në statutin e PS, është komentuar mes deputetëve të majtë e të djathtë në Komisionin e Jashtëm të Parlamentit. Ndërkohë që demokratët kanë ironizuar, Arta Dade ka marrë pozicion në debatin e hapur mes socialistëve.
Një ditë pas lojës me dy porta të Pandeli Majkos, që në sfidën brenda PS-së u mundua ta mbajë mirë si me Ben Blushin ashtu edhe me Edi Ramën, demokrati Eduart Selami u shfaq i habitur. Me ironi, pyeti për sqarime Arta Daden.
Pasi theksoi se statuti duhet të zbatohet nga të gjithë, Dade, që është një nga emrat më të njohur të socialistëve, i rikujtoi Pandeli Majkos se vetëm respektimi i rregullave të brendshme e bëri Kryeministër.
E vetëdijshme për prezencën e kamerave që po regjistronin, kryetarja e Komisionit të Jashtëm u mundua t’i paraqesë komentet e saj si bisedë informale.
Në mbledhje ishte prezent edhe deputeti Blushi, i cili dëgjoi pa komentuar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.