Dalin pamjet nga mbledhja e Këshillit Politik, palët ruajnë distancën, Rama mes Gjiknurit dhe Hajdarit

Ka nisur ditën e sotme takimi i radhës i Këshillit Politik ku palët janë ulur përballë njëri tjetrit për të diskutuar propozimet e opozitës parlamentare të mbështetura nga mazhoranca për ndryshimet kushtetuese siç janë listat e hapura dhe heqja e koalicioneve parazgjedhore.

Siç shihet në pamjet e mëposhtme i pranishëm në takim është edhe Kryeministri Edi Rama, ndërsa kryedemokrati Lulzim Basha është “arratisur” drejt Kosovës.

Gjatë kësaj mbledhje pritet të diskutohet lidhur me ndryshimet kushtetuese përsa i përket listave të hapura dhe heqjes së koalicioneve, propozim i 28 deputetëve të opozitës parlamentare që u shqyrtua dhe u miratua pak ditë më parë nga Komisioni i Ligjeve.