Dega e “Taliban Pakistan” merr përsipër përgjegjësinë e masakrës në Lahore

Një grup taliban ka marrë përgjegjësinë për masakrën në Lahore të Pakistanit, ku pas një shpërthimi kamikaz u vranë më shumë se 70 persona, përfshirë edhe fëmijë.

Jamaat-ul-Ahrar u shpreh se sulmi shënjestroi të krishterët që po festonin Pashkët. Një zëdhënës i Jamaat-ul-Ahrar, Ehsanullah Ehsan, tha se grupi donte t’i dërgonte një mesazh kryeministrit Nawaz Sharif, duke i bërë të ditur se kanë hyrë në Lahore dhe se duhen pritur sulme të tjera.

Jamaat-ul-Ahrar është një degë e grupit Tehrik-e Taliban Pakistan dhe në muajt e fundit ka kryer disa sulme kundër civilëve dhe forcave të sigurisë pakistaneze.

Presidenti i Pakistanit e dënoi sulmin e së dielës dhe ka shpallur 3 ditë zie kombëtare.

Nga ky sulm u plagosën edhe 300 persona të tjerë, duke bërë që zyrtarët të thonë se presin që bilanci i viktimave të rritet.