Dorëhiqet drejtoresha e Fondit Shëndetësor

Drejtorja e Fondit për Sigurim Shëndetësor në Maqedoni, Maja Parnaxhieva – Zmejkova sot ka dhënë dorëheqje nga funksioni, që siç tha, për arsye personale njerëzore.

“Jam njeri i përkushtuar për të ndihmuar të tjerët, dhe jo një burokrate e ‘ftohtë’. Sot bëj të ditur se dorëhiqem nga detyra për shkak të arsyeve personale njerëzore”, deklaroi Parnaxhieva – Zmejkova.

Por kjo dorëheqje ndërlidhet me rastin e vajzës së sëmurë Tamara nga Velesi, e cila ndërroi jetë disa javë parë, pas vonesës së dokumentacionit për dërgimin e saj për shërim jashtë shtetit.

Por, Fondi kishte dhënë arsyetimet lidhur me vonesën e procedurës. Organizata dhe nisma qytetare kanë kërkuar dorëheqjen e ministrit të shëndetësisë, Nikola Todorov dhe se për këtë është organizuar edhe një protestë.