Drafti i faljes së borxheve, nisin diskutimet në Kuvend

Drafti i shumëpërfolur i faljes së borxheve që biznesi i ka administratës fiskale tashmë është përshirë në procedurat parlamentare dhe të hënën do të nisë diskutimet në Komisionin parlamentar të Ekonomisë.

Kjo nismë e qeverisë vjen pas diskutimesh të shumta dhe  dakordësimit me Fondin Monetar Ndërkombëtar. Sipas relacionit që shoqëron këtë draft, në total borxhi tatimor dhe doganor potencialisht ulet me 91 miliard lekë. Vlera e taksave të mjete të përdorura që çregjistrohen sipas te dhënave nga Drejtoria e Përgjithshme e Shërbimit të Transportit Rrugor është përllogaritur rreth 11.9 miliardë lekë.

Po sipas relacionit janë të ndara me periudha të gjitha  mënyrat e pagesave dhe të faljeve. Gjatë dy viteve të fundit 2015-2016 administratat tatimore dhe doganore kanë ndërmarrë një sërë masash veprimi kundër informalitetit në vend.

Ky plan kundër informalitetit është shoqëruar në të njëjtën kohë me një sërë masash për thjeshtimin dhe lehtësimin e procedurave fiskale. Kjo duke synuar reflektimin e pritshmërive dhe kërkesat e sipërmarrjes  në funksion të përmirësimit të klimës së biznesit dhe miradministrimit tatimor, raporton Scan.

Por për këtë nismë ka pasur dhe disa kërkesa shtesë nga komuniteti i biznesit, për shtyrje të disa afateve të përfitimit nga kjo falje. Gjithashtu ky komunitet, i cili prej vitesh i ka kërkuar politikës që të ndërmarrë një amnisti të plotë fiskale, pasi faljet e herëpashershme nuk kanë pasur efektet e pritshme në ekonomi.