Drafti për policinë ushtarake, Koçi: U hartua nga ekspertë të huaj, Noka: Ky ligj “mban erë”

Komisioni i Sigurisë ka miratuar sot projektligjin për policinë ushtarake me gjithë kundërshtimin e deputetëve të opozitës. Drejtorja e legjislacionit në Ministrinë e Mbrojtjes, Yllka Lamja deklaroi në mbledhje se i është përcjellë NATO-s një material për Policinë Ushtarake.

Por ndërkohë deputetët e PD-së kanë kërkuar dokumente që tregojnë se ligji për PU-në është konsultuar me aleatët. Nga ana tjetër zëvendësministri i Mbrojtjes Petro Koçi tha se projektligji është hartuar nga ekspertë të huaj.

DEBATET:

Yllka Lamja: I përcollëm NATO-s një material për Policinë Ushtarake

Ardian Turku: Nuk na duhen 300 faqe material që ju dërguat

Flamur Noka: Duhet një dokument, që ligji është konsultuar me aleatët tanë. Ky ligj ‘mban erë’, po krijohet shtet policor.

Petro Koçi: Projektligji është hartuar nga ekspertë të huaj. Morëm mendimin e Gardës së Nju Xhersit. Patëm konsultim me karabinierinë italiane dhe atë turke.

Noka-juristes së Ministrisë së Mbrojtjes: Mos gënjeni, jo serioz ky veprim.