Durrës, të shtëna me armë në zyrat e ALUIZNI-t: Policia: S’ka të lënduar

Brenda zyrave të ALUIZNI-t në Durrës sot ka pasur të shtëna me armë. Policia e Durrësit ka deklaruar se nuk ka pasur të lënduar dhe ka nisur hetimin. Shkaqet e të shtënave dhe as autorët nuk janë njoftuar ende.

Sipas gazetares Klodiana Haxhiaj, dëshmitë janë kontradiktore. Sipas disa të pranishmëve, ngjarja ka ndodhur në zyrën e informacionit, ku një person ka shtënë me armë. Ata thanë se kanë parë gjak, por jo të plagosur. Nga të shtënat, një grua ka humbur ndjenjat. Policia ka ardhur me shpejtësi sëbashku me ambulancën.