E ardhmja e koalicionit, Rama dhe Meta zhvillojnë takimin e parë për 2017-ën

Në një kohë kur LSI ende nuk ka dhënë një përgjigje për vazhdimin e koalicionit qeverisës, kryeministri Edi Rama po zhvillon sot një takim e tij të parë për këtë vit me kreun e Kuvendit, Ilir Meta.

Mësohet se takimi nis rreth orës 11:40 në Kryesinë e Kuvendit, aty ku paralelisht po mbahet dhe Komisioni i Reformës Zgjedhore.

Duke qëndruar tek kjo e fundit, edhe dy forcat politike, PS dhe LSI ndahen sa i takon çështjes së listave të hapura.

Ndërkohë, një ditë më parë dy përfaqësuesë të LSI, ministri Ylli Manjani dhe deputetja Silva Caka u shprehën hapur se Lëvizja Socialiste për Integrim duhet të dalë e vetme në zgjedhjet e 18 qershorit.