Eficienca e energjisë, krijohet agjencia që do të vendosë rregullat

I miratuar gati një vit më parë ligji për eficiencën e energjisë përcaktoi si detyrim edhe ngritjen e një agjencie të specializuar ( Agjencia për Eficiencën e Energjisë, AEE) në nivel qendror për të bërë të mundur zbatimin e planit kombëtar.

Shqipëria renditet si një ndër vendet me eficiencën më të ulët, por me rregullat e reja të vendosura nga BE-së do t’i duhet të përmirësojë treguesit. Në përputhje me direktivat europiane dhe paketën e udhëzimeve për energjinë dhe mbrojtjen e mjedisit, Shqipëria ka si objektiv rritjen e eficiencës së energjisë me 9% deri në vitin 2018.

Sipas ligjit që ka hyrë tashmë në fuqi detyrat e kësaj agjencie do të jenë:

b)Të përgatisë dhe të monitorojë Planin Kombëtar të Veprimit për Efiçencën e Energjisë;

c) T’i paraqesë, çdo vit, ministrit një raport të hollësishëm lidhur me zbatimin e Planit Kombëtar të Veprimit për Efiçencën e Energjisë;

ç) Të bashkëpunojë me autoritetet qendrore dhe vendore, shoqëritë që operojnë në objektet industriale dhe organizatat e ndryshme jofitimprurëse për krijimin dhe përditësimin e bazës së nevojshme të të dhënave të energjisë, përfshirë llogaritjen e treguesve të efiçencës së energjisë, si dhe për zbatimin e masave për nxitjen e efiçencës së energjisë;

d) Të përgatisë dhe t’i propozojë ministrit aktet e nevojshme nënligjore për nxitjen e efiçencës së energjisë, siç parashikohet në ligjin për efiçencën e energjisë dhe në ligjin për performancën e energjisë në ndërtesa;

dh) Të përgatisë standardet, normat dhe rregulloret teknike, me qëllim rritjen e efiçencës së energjisë së pajisjeve, Aparaturave dhe makinerive që përdoren për prodhimin,

transportin, shpërndarjen dhe konsumin e energjisë në sektorët rezidencialë të shërbimeve, të industrisë, të transportit e të bujqësisë;

e) Të vlerësojë teknikisht projektet e investimeve në fushën e efiçencës së energjisë, të paraqitura pranë Fondit të Eficencës nga subjektet e interesuara;

ë) Të lidhë marrëveshje vullnetare.