Ekzekutim në Tiranë/ Autori vret ish-bashkëshortin e vajzës. Plagoset edhe ish-prokurori Adriatik Cama

June 4, 2021

0 2 minutes read

Një person është ekzekutuar sot në Tiranë dhe një tjetër është plagosur. Viktima, shënjestra e atentatit, mësohet se është klient i avokatit dhe ish prokurorit Adriatik Cama, ndërkohë që ky i fundit mbeti i plagosur. Një ngjarje e rëndë ka ndodhur ditën e sotme në afërsi të Gjykatës së Tiranës, ku vjehrri ka ekzekutuar me armë zjarri ish-dhëndrrin e tij 30 minuta para seancës gjyqësore.

Plumbat kanë plagosur edhe ish- prokurorim dhe avokatin, Adriatik Cama, i cili ishte ulur në kafen pranë gjykatës me viktimën, Kudret Saliaj.

Kjo vrasje ka ardhur pas shumë problemesh të ndodhura mes autorit Mexhit Picari, vktimës dhe ish-bashkëshortes, të cilët ishin prej vitesh në proces gjyqësor.

Autori i cili arriti të largohej pas ekzekutimit, është kapur pas disa minutash nga “forcat blu”, pasi arriti të largohej me një makinë tip “Hyundai”.

Vajza e autorit dhe viktima ishin në proces divorci dhe pikërisht sot çifti kishte seancën e pestë të divorcit.

Viktima është qëlluar nga 8 plumba, ku 5 e kanë kapur atë. Ndërkohë në një njoftim paraprak të policisë thuhet se ish- prokurori, është jashtë rrezikut për jetën dhe ndodhet në spitalin e Traumës në Tiranë, ku po merr edhe ndihmën nga mjekët.

Ish-prokurori Cama njihet për hetimin e dosjeve të bujshme si vrasja e bankierit Artan Santo dhe dosjes së 21 janarit.

Adriatik Cama, i cili ishte prokuror, në Prokurorinë e Tiranës u shkarkua në korrik të vitit 2018 nga Komisioni i Pavarur i Kualifikimit.

Cama e apeloi vendimin e KPK, por në muajin shkurt 2019 , Kolegji i Posaçëm i Apelimit la në fuqi vendimin për shkarkimin e prokurorit të Prokurorisë së Tiranës, Adriatik Cama.

Pas shkarkimit mësohet se Cama u kthye në një avokat në profesion. Ai është avokati i Nevaldo Hajdarajt të policit që vrau pas shpine Klodian Rashën. Ndërkohë shërbimet e Policisë vijojnë krehjen e zonës për kapjen e autorit të dyshuar, shtetasi M. P. Janë ngritur pika kontrolli në hyrje dhe dalje të qytetit të Tiranës.

Tiranë/Informacion paraprak

Shërbimet e Policisë vijojnë krehjen e zonës për kapjen e autorit të dyshuar, shtetasi M. P. Janë ngritur pika kontrolli në hyrje dhe dalje të qytetit të Tiranës. Grupi hetimor, në bashkëpunim me Prokurorinë, po punon për sqarimin e rrethanave të ngjarjes.

Tiranë/Informacion paraprak

Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën. Shërbimet e Policisë vijojnë krehjen e zonës për kapjen e autorit të dyshuar, shtetasi M. P. Janë ngritur pika kontrolli në hyrje dhe dalje të qytetit të Tiranës. Grupi hetimor, në bashkëpunim me Prokurorinë, po punon për sqarimin e rrethanave të ngjarjes.

June 4, 2021

0 2 minutes read

Shfaqen blerësit e parë të interesuar për Alpha Bank, janë sllovenët e NLB

Blinken uron Ramën për fitoren e 25 prillit: Me zgjedhjet Shqipëria demonstroi gatishmërinë për të hapur negociatat me BE-në

Related Articles

Prokuroria e Durrësit sekuestroi 102 konteinerët e mbushur me mbetjet e dyshuara si të rrezikshme

Inceneratori i Fierit/ Apeli i GJKKO vendos përsëritjen e shqyrtimit gjyqësor!

Arrestohet Ilir Meta

SPAK-u arreston ish deputetin Jurgis Çyrbja për akuza mbi zgjedhjet, lidhje me krimin dhe shitje të sekretit shtetëror

Leave a Reply Cancel reply